Xixón va acoyer en 2020 los premios Take de Doblaxe

0
486

La productora Wadjet Media, la Escuela de Doblaxe d’Asturies y l’Asociación Premios Take, van encargase de la organización de los Premios Take de Doblaxe a partir de 2020. Productora y escuela ya patrocinaren los premios nes dos ediciones últimes. Agora, garren esti camín tres de la renuncia de los anteriores promotores a entamar más ediciones. Illán Gonzali, responsable de Wadjet Media y de la Escuela de Doblaxe d’Asturies, yá tramitó’l rexistru de los Premios Take na Oficina Española de Marques.

Per aciu d’estos gallardones nacionales quierse ufrir una reconociencia al seutor del doblaxe. Una manera de dar a conocer la importancia de sos actrices y actores y homenaxear la trayeutoria profesional del coleutivu, al igual qu’a otres persones, empreses y entidaes venceyaes al trabayu nesti ámbitu. Tamién se quier l’afitamientu d’unos premios que distingan a actrices y actores de doblaxe en castellanu y nes otres llingües del Estáu. Enantes los Premios Take de Doblaxe cellebrárense n’Uviéu (2017 y 2018) y en Llangréu (2019). La intención de los entamadores nuevos ye que la gala s’afaye dende 2020 en Xixón.