El festival El Pueblo, un proyectu que cunta col impulsu fundamental de Principáu d’Asturies, va celebrar la so segunda edición en Rusecu (Sobrescobiu) los díes 12 y 13 de setiembre del 2026, col eslogan “Onde naz l’agua vive El Pueblu”. Tres d’una primer edición en Castropol, que consolidó’l proyectu como un espaciu d’alcuentru y celebración del mundu rural, el festival sigue’l so calter itinerante y treslládase esti añu al corazón del Parque Natural de Redes, territoriu d’orixe, agua y naturaleza viva.
La programación musical del 2026 axunta a dalgunos de los nomes más destacaos de la escena nacional. Xoel López, una de les voces más influyentes del pop alternativu n’España, va encabezar el cartelu con un directu qu’entemez raigañu, modernidá y una conexón especial col territoriu, va tar presentando’l so nuevu álbum Oniria popular. Con él, Baiuca, referente de la electrónica d’inspiración tradicional gallega, va presentar la so propuesta de folktrónica que conquistó festivales internacionales. Completen los principales nomes Los Punsetes, iconos del indie español col so inconfundible amiestu d’ironía y contundencia, y Karavana, una de les bandes nueves más enérxiques del panorama actual, acompañaos por propuestes emerxentes y locales como Anabel Lee, Catalina Grande Piñón Pequeñu, Aldhara, Los Acebos, La Mala Dentro y Las Hijas de Chimo Bayo.
Tamién va haber güecu pa música electrónica n’El Pueblu 2026, con una sesión na que van participar Yamil, Héctor Llamazares, Chanin, Danicat y Muten-T, y mientres la mesma, l’artista asturianu Herny va realizar una obra en directu: La llegada del Busgosu.
Una programación diversa que combina música independiente, electrónica, pop alternativu y talentu asturianu. Pero El Pueblo, nun ye namás música, amás de los conciertos, ufiértase un ampliu programa d’actividaes culturales, familiares y de bienestar. Ente elles destaquen sesiones de yoga con Betty Ewan, un mercáu de productos asturianos, actividaes infantiles como pintacares, talleres, gymkana, xuegos tradicionales, asina como teatru, esposición fotográfica y un pregón sorpresa que se va desvelar nos díes previos al eventu. Estos díes amás podrá disfrutase en Sobrescobiu de piscina, turismu activu, foodtrucks y la gastronomía de los sos chigres y restoranes.
