Yolanda Huergo: «Nun se ta cumpliendo’l plan de normalización llingüística»

Podemos-Equo Xixón va pidir a Ana González el cumplimientu del plan, empezando pol correctu usu del asturianu na señalización y la cartelería

0
89
Alba González, Yolanda Huergo y Laura Tuero, conceyales de Podemos-Equo en Xixón

«Ye’l momentu de dir dando paso». Podemos-Equo quier que’l Conceyu tome midíes pa midíes pa procurar l’usu del asturianu. La coalición denunció dellos incumplimientos del plan de normalización, que ta en marcha dende 2016 y va rematar anguaño. «Hai problemes na implantación n’aspectos como la señalización billingüe, nos cartelos y campañes institucionales, nos anuncios oficiales publicaos nos medios de comunicación y na publicidá d’actividaes de Xixón», llamentó Yolanda Huergo. La vocera de la coalición esplicó que va rogar a Ana González que se curie’l cumplimientu d’estes midíes.

L’usu del asturianu va por conceyalíes. «Hailes que delles vegaes cumplen coles previsiones del plan y otres non», espliquen al tiempu que llamenten qu’el branu terminó col asturianu ausente en «actos importantes como l’Hípicu o la Selmana Negra». Aseguren que ye «dalgo que l’Ayuntamientu nun puede permitir, entá mas cuando son actividaes subvencionaes pol propiu conceyu”. Pa Huergo «ye’l momentu de dir dando pasos, de plantegase midíes que vaigan un pasu más allá y pa ello ye imprescindible garantizar el cumplimientu de lo que yá tenemos».