Llaboral Centru d’arte presenta’l LABshop Primavera, un mercáu d’arte y diseñu que torna nesta edición con 60 puestos y una amplia ufierta de talleres, conciertos y coloquios dirixíos a tolos públicos. L’eventu va tener llugar el sábadu y domingu, 25 y 26 de mayu, a partir de les 11:00 hores y l’entrada al recintu va ser gratuita.
Los asistentes van poder adquirir pieces úniques nel mercáu y tamién participar —previa inscripción—, en talleres de cestería, cerámica o colax, ente otros. La programación pa la fin de selmana incluye, amás, charres, proyecciones y presentaciones, amenizadas con música en directu al cargu de DJs como la Vilba de Angelín o Sandra Dee pa la sesión vermú, DJ Mediocre tardar del domingu y conciertos de la mano d’Elena del Frade y Love
Feroz. va habilitase xuna zona gastro con food trucks y zona de chigre. Apurriendo delles cifres concretes, nesta edición van poder atopase 6 puestos dedicaos a la cerámica, 11 llibreríes y editoriales, 11 artistes plásticos, 11 ilustradores y otros stands dirixíos a la moda y complementos, xoyería, alimentación, talle de madera… hasta algamar los 60 puestos totales.
