119 casos de absentismu escolar el cursu pasáu

Son 10 casos más respectu al cursu anterior y una variación porcentual del 9 por cientu

0
613

Mientres el cursu pasáu rexistráronse 119 casos de absentismu escolar n’educación primaria y secundaria de 64 centros educativos públicos y alcordaos de Xixón. Son 10 casos más respectu al cursu anterior y una variación porcentual del 9%. Si se comparen col númberu d’alumnáu matriculáu, la cifra ye baxa y la tasa asítiase nel 0,54%, similar al 0,50 per cientu del periodu 2017-2018.

N’Educación Primaria, la tasa de absentismu escolar coincide cola del cursu anterior (0,27%), sicasí, n’Educación Secundaria Obligatoria, la tasa amóntase un 0,11% (0,94%). Nesta etapa producen la mayoría de los casos (71%). N’educación Secundaria Obligatoria, hubo 11 casos más nel cursu 2018/2019, lo que supon un aumentu de 4 puntos porcentuales respectu al cursu anterior. La franxa d’edá con mayor absentismo correspondió a la de 15-16 años d’edá (44%), siguida del tramu 12 a 14 años (34%), del de 6 a 8 años (12 por cientu) y, a lo último, del intervalu entendíu ente los 9 y los 11 años (11%). La mayoría del alumnáu repitiera cursu primeramente. Son predominantes les situaciones de fraxilidá socioeconómica ente les families del alumnáu en situación de absentismo escolar. Ente les problemátiques asociaes, destaquen la desmotivación (57% de los casos), problemes familiares (54%), dificultaes culturales y d’integración escolar (29%).