Apaguen un fueu en Curuxona ensin daños personales
Efectivos de Bomberos del Serviciu d’Emerxencies del Principáu d’Asturies (SEPA) con base nos parques de Samartín del Rei Aurelio y La Morgal apagaron, esta nueche, la quema declarada nun edificiu de viviendes, de dos altores, allugáu en Curuxona, Siero.
El fueu xamuscó na so totalidá una vivienda allugada na planta cimera y la colindante resultó afectada pol agua utilizada pa la estinción de la quema. Nun se rexistraron daños personales.
El Centru de Coordinación d’Emerxencies del 112 Asturies recibió l’avisu a les 00.32 hores. Na llamada indicaben que taba quemando’l teyáu d’un edificiu onde había viviendes y otros habitáculos como trasteros y cocheres.
La Sala 112 del SEPA activu a Bomberos del parque de Samartín del Rei Aurelio y de La Morgal. A les 01.15 hores los bomberos dieron la quema por controlada y parte de la dotación de La Morgal torna a base. El restu permaneció nel llugar realizando xeres d’enfriamientu y desescombru hasta les 05.57 hores que tornaron a base.
