Éxitu rotundu nel estand de Conceyos con Encantu que nun para de recibir visitantes na FIDMA

L’actividá nel estand de Conceyos con Encantu, coordináu pola plataforma Ver Asturies, nun para un segundu. Asitiáu ente los pabellones 3 y 4 de la Feria Internacional de Muestras d’Asturies (FIDMA), convirtióse nun de los espacios más visitaos d’esta edición.

Candamu, la comarca d’Osco-Eo, Llanes, El Franco, Nava Y munchos otros destaquen cola so presencia activa, acercando a cientos de persones cada día la so esencia, los sos atractivos y una forma de ser que conquista a quien s’arrima. Los estands tán en movimientu constante, con materiales informativos, actividaes y atención personalizada.

Dende l’entamu de la feria, son munchos los alcaldes, conceyales y vecinos que pasaron pel espaciu pa recibir al públicu, compartir información y dar visibilidá a los sos conceyos con entusiasmu y cercanía.

El pasu de visitantes ye constante y la acoyida del públicu, entusiasta. El pabellón 3-4 respira vida, dinamismo y una conexión auténtica ente instituciones, xente y territoriu.