La DOP Sidra d’Asturies yá tien a los protagonistes d’una de les sos acciones más novedoses na xestión de la so comunicación: el programa “Influencers de Chigre”, un casting abiertu en redes sociales que nació p’atopar perfiles auténticos capaces de representar la cultura sidrera dende la cercanía, el territoriu y la verdá.
Tres delles selmanes de recepción de candidatures y un procesu de selección combináu ente valoración interna y participación en redes sociales, el Conseyu Regulador dio a conocer a los once perfiles que van formar parte del primer Club de “Influencers de Chigre” DOP Sidra d’Asturies.
Los perfiles escoyíos fueron estos:
● @unapatatinapalkilo
● @albamoro_
● @vick.blanchh
● @rocyroblesalvarez
● @renecastapam
● @sidrasporelmundo
● @rincones.del.norte
● @asturiasparaisosingluten
● @taca.yacomer
● @k.spb
● @celiapeque
Los escoyíos van formar parte mientres el próximu añu de diferentes acciones impulsaes pola DOP Sidra d’Asturies, participando n’eventos, esperiencies, formaciones y actividaes
vinculaes al universu sidreru. Amás d’actuar como prescriptores naturales de la marca, van contribuyir a treslladar un mensaxe clave pal sector: la importancia d’escoyer siempre sidra con Denominación d’Orixe Protexida. Sidra “con etiquetina”, qu’asegura que’l productu ta fechu con mazana 100% asturiana, protexendo a tolos cosecheros, llagareros y chigreros que trabayen día a día por caltener lo nuestro.
