CONECTA Taxi incorpora a los 808 vehículos de les 14 emisores dixitales qu’operen n’Asturies
CONECTA da un pasu más pa convertise nuna plataforma multimodal qu’incluya tola ufierta de tresporte públicu. Dende güei, l’aplicación móvil del Consorciu de Tresportes d’Asturies (CTA) amplía les opciones de reserva de taxi a los 808 vehículos pertenecientes a les 14 radioemisores dixitales qu’operen na comunidá. Esto supón que van poder acutase viaxes en doce conceyos: Uviéu, Xixón, Avilés, Siero, Llangréu, Llanera, Gozón, Carreño, Ayer, Castrillón, Valdés y Pravia.
CONECTA Taxi empezó a funcionar va unes selmanes n’Avilés coles dos asociaciones locales (Radio Taxi Villa del Adelantáu y Teletaxi Avilés) y agora amplíase al restu de radioemisores dixitales d’Asturies: Radio Taxi Uviéu Principáu, Villa de Xovellanos (Xixón), Siero, Llanera, Llangréu, Lluanco-Gozón, Candás, Morea-Ayer, Castrillón, L.luarca y Pravia.
El siguiente pasu va llegar tres del branu, cola incorporación de les emisores analóxiques y de taxistes independientes qu’asina lo deseyen. La llegada d’esti serviciu a CONECTA enmárcase na estratexa del Executivu autonómicu pa impulsar una movilidá más segura, sostenible y dixitalizada, qu’ameyore l’accesibilidá a les distintes maneres de tresporte públicu.
