El conseyeru de Facienda, Xusticia y Asuntos Europeos, Guillermo Peláez que’l próximu llunes, día 20 de xunetu, van volver entamar los trabayos de valtamientu del antiguu HUCA, que tuvieron que paralizase por motivos técnicos va un añu.
Peláez informó d’esta decisión al Conseyu de Gobiernu, el Conceyu d’Uviéu y les asociaciones vecinales d’El Cristo-Buenavista. “Fixímoslo cola mesma tresparencia y rigor que va un añu”, señaló.
Les obres axudicáronse a finales del 2024 a la firma Hercal Diggers por 4,3 millones y empecipiáronse a finales de marzu del 2025. Tres de los pertinentes informes técnicos y acordies cola empresa axudicataria, decidió paralizase los trabayos en xunetu por dos cuestiones principales. D’una banda, en constatando que l’estáu en que s’atopaben los edificios conocíos como Los Hongos podríen comprometer el so caltenimientu, polo que se facía preciso determinar de qué manera impactaba la so situación na execución de les obres. Per otra parte, influyó tamién el caltenimientu de l’actividá del Centru Comunitariu de Sangre y Texíos d’Asturies na parcela.
“Una vegada que tenemos confirmáu que’l centru va a la so nueva sede n’ochobre, podemos empezar trés meses enantes d’esa fecha como yá diximos nel so día”, precisó’l conseyeru.
Peláez indicó que, una vegada que se reinicien los trabayos, el pasu inmediatu va ser aprobar el modificáu del proyectu pa incluyir el valtamientu de Los Hongos. Esta cuestión atópase na última fase de tramitación pa que pueda aprobase nes próximes selmanes.
El calendariu previstu establez que los valtamientos van rematar enantes del segundu semestre del 2027.
