El tráficu va vese afectáu esti martes pela tarde por cuenta de la celebración de la 50 edición de la San Silvestre de Xixón. Van producise alteraciones nel tráficu rodáu pa garantizar la seguridá de los participantes y pa que la prueba trescurra ensin incidencies. Dende l’empiezu de la instalación de la meta y hasta que rematen les distintes pruebes, va prohibise’l estacionamiento na cai Cabrales, frente a l’Antigua Pescadería, y na redolada del Campu Valdés. L’accesu al barriu de Cimavilla va realizase pola plaza del Marqués.
Tampoco se va permitir l’estacionamientu na avenida Hermanos Felgueroso nel so entronque cola avenida de Pablo Iglesias. L’accesu a l’avenida de Castiella va ser cortáu primeramente al entamu de les pruebes y mientres acoricar al ser la zona de salida.
