La zona azul vuelve funcionar a partir del vienres

Xixón recupera adulces la normalidá. Mientres les ocho selmanes que duró’l confinamientu, el Conceyu suspendió’l pagu de determinaos tributos y estableció la gratuidá de dellos servicios, como l’autobús urbanu o la zona azul. La ORA volverá tar operativa a partir d’esti vienres. D’esta manera, el serviciu recupera la so tarifa habitual.

A partir d’esti llunes tamién torna’l serviciu de préstamu de patinetes elléctricos. Estos vehículos van quedar asitiaos en 19 allugamientos. Nestos puntos tamién van tar disponibles nos vinientes díes les bicicletes de Tucycle. La reapertura de los servicios va empecipiar con una ufierta más amenorgada sobro’l total de vehículos disponibles. Los usuarios deberán utilizar guantes. Amás, encamiéntase l’usu de mázcaros, anque’l so usu nun ye obligatoriu. Los patinetes desinfestaránse a diariu de manera «intensiva».