Xixón suspende la zona azul y les tases de terraces, agua, basura y alcantarelláu

0
636
FACUA refuga llevar la zona azul al Hospital de Cabueñes y el campus de Xixón. / Pixabay
Un parquímetro de regulación del estacionamientu. / Pixabay

El Conceyu de Xixón decidió esta mañana suspender la ORA y les tases pola instalación de terraces, agua, recoyida de basures y alcantarelláu. Trátase d’una más de les midíes adoptaes pol equipu de gobiernu enfotada n’apangar l’impactu económicu que l’estáu d’alerta va tener sobro la hostelería y el pequenu comercio.

Les unidaes técniques de la Fundación Municipal de Servicios Sociales van trabayar vía telefónica y telemática. L’atención va ser presencial puramente en situaciones urxentes y siempres con cita previa. El Serviciu d’Ayuda a Casa caltién los servicios d’aséu ya hixene y los servicios d’ellaboración y entrega de comida. El restu de servicios van sustituyise por siguimientu telefónica diariu de les mesmes auxiliares. Van ser elles quien detecten les necesidaes que vaigan surdiendo, dándo-yos respuesta.

Nel casu del Albergue Cuadonga, que permanez abiertu, la organización anicia n’evitar que confluyan munches persones. Pela so parte la Cocina Económica va apurrir a los sos usuarios les comíes y cenes en recipientes pa llevar.