Alvierten de nueva Estafa al traviés de WhatsApp ya email
La Guardia Civil quier sollertar sobre esta estafa que se ta produciendo al traviés de SMS y correos electrónicos, faciéndose pasar los estafadores por entidaes bancaries y solicitando a los clientes datos cola amenaza de bloquéu de la cuenta.
El cuerpu armáu tamién sollerta d’una practica que se ta llevando a cabu al traviés de WhatsApp, faciéndose pasar por un familiar solicitando datos como’l DNI y pidiendo dineru pa iguar un supuestu problema col equipaxe nel aeropuertu.
Les estafes tratense d’unos supuestos SMS o correos electrónicos que se faen pasar por entidaes bancaries solicitando bien datos o la contestación a cualquier tipu d’enllaz, munchos d’ellos cola amenaza de bloquéu de cuenta o los accesos a la mesma.
Coles mesmes, alverten tamién de ciertes conversaciones de WhatsApp per parte de supuestos familiares nes que se solicita semeya de documentu personal y posterior solicitú de dineru, de normal rellacionáu con estancia n’aeropuertos y embarque d’equipaxe.
