Abelardo Fernández Antuña (Xixón, 1970) ye’l nuevu entrenador del Real Sporting pa encarar les postreres cuatro xornaes de LaLiga SmartBank y dirixir tamién al equipu mientres la prósima temporada, tres l’alcuerdu alcanzáu esti martes ente les dos partes.
D’esta forma, el exjugador roxiblancu torna a la so casa. Tres la so esitosa carrera como futbolista, Abelardo dirixió al Sporting B mientres cuatro temporaes y acumula 110 partíos al frente del primer equipu, col que llogró l’ascensu a LaLiga Santander en xunu de 2015. El Deportivu Alavés y el RCD Espanyol fueron los sos otros clubes na máxima categoría.
El Club estima al so entrenador qu’aceptara la ufierta pa tornar al bancu del equipu xixonés y deseyar el mayor de los ésitos na so segunda etapa al frente del primer equipu.
Abelardo va dirixir el so primer entrenamientu mañana pela tarde na Escuela de Fútbol de Mareo y va ser presentáu de forma oficial, tamién esti miércoles (13:30 hores), na sala de prensa d’El Molinón – Enrique Capo Quini.
