El Gobiernu d’Asturies abrió güei’l plazu de solicitú de les ayudes a la conciliación de la vida llaboral y personal pa families con neños y neñes d’hasta doce años. La convocatoria cunta con un presupuestu 581.952 euros.
La finalidá d’estes ayudes que xestiona l’Institutu Asturianu de la Muyer ye sofitar a les families trabayadores pa compensar los gastos en qu’incurran anguaño pola contratación de servicios que faigan posible el cuidu de fíes y fíos y faciliten la corresponsabilidá.
La cuantía de les ayudes bazcuya ente un máximu de 400 euros pa families con un fíu o fía d’hasta 12 años y de 600 euros p’aquelles con dos o más descendientes.
El Boletín Oficial del Principáu (Bopa) publicó la convocatoria’l pasáu vienres y güei ábrese un plazu de 15 díes hábiles pa presentar les solicitúes, periodu que expira el 27 d’avientu.
