Adrián Barbón, sobre la cancelación de la Fidma: «Lo primero ye la salú»

0
626
La Feria de Muestres pieslla edición con 724.314 visitantes

El presidente del Gobiernu asturianu, Adrián Barbón, aseguró esti vienres que l’aumentu de los casos de coronavirus va ser la situación más habitual mientres les próximes selmanes. «Vamos tar detectando biltos de forma permanente. La cuestión ye actuar con tolos medios y con total contundencia, controlalo y que nun haya un biltu que pueda xenerar otru mayor».

Barbón fizo estes declaraciones nuna entrevista na Cadena Ser. El xefe del Executivu consideró que’l biltu qu’afecta a La Mariña, en Lugo ta menguando, pero primero o más tarde van surdir otros. «Esto va ser asina permanentemente». Por ello, encamentó a ser previsores y preparase énte una posible segunda fola, que puede ser n’agostu o n’ochobre, «pero tenemos que tar llistos pa dar respuesta rápida». Énte la posibilidá de tener que confinar dalguna zona d’Asturies pa frenar la estensión del virus, el presidente aseguró que «si viéramos un biltu qu’entama a estendese nuna zona concreta, enantes de tener que confinar toa Asturies, lo qu’hai que faer ye controlar esi biltu coles midíes llegales oportunes».

Tomar decisiones

El xefe del Executivu amosóse firme ante la eventualidá d’adoptar midíes dures pa combatir la pandemia, como la suspensión de la Feria Internacional d’Amueses d’Asturies (Fidma). «Tomar decisiones siempres trai asumir un riesgu, sobremanera, cuando tienen un impactu económicu. Soi consciente qu’esa decisión tien un efectu económicu inmediatu en Xixón y en toa Asturies, pero hai qu’anteponer la salú pública a cualesquier otra considerancia». Según recordó, la celebración d’esti eventu supondría la presencia de 14.000 persones en constante movimientu. «Qu’una gran parte d’ella sía al aire llibre, tien mayores riesgos qu’una boda, por munchos invitaos qu’haya, o un centru comercial», remató.