L’actual alcaldesa de Xixón Ana González compareció nel ayuntamientu esti vienres 16 al mediudía pa anunciar que nun va presentase a les primaries del PSOE. Fízolo xunto a los siete conceyales colos que compartió gobiernu.
Ana González confesó «nun tar feliz», porque quería presentase y ganar, pero que lo acepta porque «nun cabe otra actitud. Pa saber ganar hai que saber perder, pero sería preocupante que tuviera contenta».
Sicasí, Ana González terminará la lexislatura y mostrose segura que’l próximu candidatu del PSOE a los comicios llocales de 2023 va liderar un «bon equipu» y va ganar les elecciones.
