Asturies, n’avisu por lluvies y mala mar

0
97

Asturies ta esti fin de selmana n’avisu mariellu por lluvies, nevaes y vientu y n’avisu naranxa por mala mar. L’Axencia Estatal de Meteoroloxía (Aemet) espera lo peor pa esti mesmu vienres, cuando s’esperen lluvies fuertes y persistentes na mariña y na fastera oriental. La cota de nieve asitiaráse ente los 900 y los 1000 metros nes primeres hores del día.

El sabadu va tar nublu con precipitaciones que se van estender d’oeste a este dende pela mañana. La xornada acabará con pedriscu precipitaciones en forma de nieve percima de los 1000-1200 metros. Les temperatures mínimes ensin cambeos y máximes n’ascensu. Raches de vientu bien fuertes na metá oriental.

Les lluvies y la pedrisca van ser tamién protagonistes el domingu. Les precipitaciones van ser en forma de nieve ente los 900 metros nes primeres hores del día. Temperatures mínimes con pocos cambeos y máximes en descensu, aportando a localmente notable nel interior de la Comunidá. Xelaes débiles nes zones de mayor relieve de Cordal y Picos. Vientu del oeste y noroeste, fluexu nel interior, y fuerte mientres la mañana na mariña, menguando pela tarde. Raches bien fuertes nos cabos, en zones altes y puntos de la metá oriental.