Babin: “Equí vamos toos a una”

El defensa del Sporting asegura que "esti equipu ye distintu al d'otres temporaes”

0
136
Babin: “Equí vamos toos a una”
Babín con Javier Fernández. / Juan Llavio (Real Sporting)

El futbolista francés Jean-Sylvain Babin va siguir nel Sporting hasta 2022. El xugador aseguró esti llunes en rueda de prensa que «vive con muncha ilusión» el trabayu del equipu. Considera bien positivu que los fichaxes sumárense llueu al equipu: «Son de gran nivel y creo que tamos faciendo un bon grupu». Foi más allá cuando señaló que «se tán cumpliendo les mires que me treslladaron cuando anové’l mio contratu».

No personal, vese «finu, como la pasada temporada, cuando baxé de pesu», pa encarar un campeonatu nel qu’asume’l so veteranía nel vestuariu, «lo que nos obliga a dalgunos a llevar a lo más altu a los mozos; ye daqué no que tengo que dar un pasu alantre”.

Del partíu del pasáu sábadu en Salamanca énte’l Xetafe y de les bones sensaciones que dexó l’equipu xixonés, Babin recuerda que «son partíos de pretemporada y hai que valoralos como tal». Sicasí, apuntó que «dimos la cara» y defendió que «equí vamos toos a una». Tradució que «esti Sporting ye distintu al d’otres temporaes».