Adrián Barbón, participó na entrega del primera Premio Espaciu Cultural 19 10 a la promoción de la cultura y los valores democráticos, concedíu al cantautor mierense Víctor Manuel. Barbón reconoció un doble atino: la elección del premiáu y el fechu de que’l galardón rellacione la cultura colos valores democráticos, «porque son de les primeres coses qu’ataquen aquellos que quieren terminar cola democracia, y son yá numberosos los gobiernos, n’España y nel mundu, que faen del ataque cultural una de les sos señes d’identidá». Por ello, abondó, «güei más que nunca, hai que reivindicar más cultura y más democracia».
Barbón estimó al cantautor la so humildá “hasta la cobardura”, que seya “unu de los nuesos, siempres dispuestu a volver a casa, anque nunca se foi d’ella”, y la so asturianía. “Ye difícil atopar asemeyada identificación: Víctor Manuel representa, significa Asturies por onde quiera que va”.
Na so intervención, el presidente tamién valoró’l nuevu usu de la casa del pueblu mierense como espaciu cultural. «Les cuenques mineres precisen una reivindicación constante de la cultura y de l’autoestima. Por eso creo qu’esti va ser un proyectu d’ésitu», aseguró.
Nesti sentíu, recordó l’orixe de les cases del pueblu, que nacieron como espacios d’alfabetización cultural cuando les clases trabayadores nun podíen aportar a nengún tipu de cultura. «Yeren espacios de llibertá y de democracia, cuando la democracia entá yera una quimera. Felicito esti nuevu usu, que seya un espaciu abiertu al patrimoniu, la cultura, al conxuntu de Mieres y de les cuenques», añedió.
