Dir al conteníu
Asturies 2 min de llectura

VOX nun llenó la plaza toros de Xixón, sinón una carpa interior 17 veces más pequeña

Por Xixón al Día
CompartirWhatsappBlueskyFacebook

L’actu celebráu ayeri por Vox, en Xixón, vendióse a los medios de comunicación como un llenazu de la plaza toros de la ciudá, una instalación que tien más de 15.000 places de capacidá, cuando s’usa con graes y ruedu. Sicasí, la plaza toros d’El Bibio ta mientres l’iviernu ocupada pol llamáu “Gijón Arena”, una instalación preparada pa la celebración de pequeños conciertos y fiestes, que tien una capacidá bien inferior a la de la plaza toros abierta, yá que nun llega a les 1000 persones col aforu sentáu y, como pue atopase na información dada pola mesma organización del espaciu en distintos medios. L’escenariu del actu, de grandes dimensiones, ocupaba amás una parte importante del espaciu, como tamién dalgunos de los bares que tien instalaos na pista la organización del Gijón Arena de forma habitual, que tamién lleven parte del aforu.

Nun pue dicise qu’hubiere poca xente ayeri na plaza de toros de Xixón, pero dicir que s’enllenó la plaza de toros ye un auténticu bulu que numberosos medios de comunicación reproducieron ensin contrastar la verdadera situación del eventu. Dellos medios cifraron en 1500 les persones presentes, pero dempués informaton nos titularez que taba la plaza de toros “abarrotada”. Lo que lleva al engañu, yá que la ciudadanía conoz l’espaciu de forma abierta y polo tanto piensen una imaxe mui diferente a la realidá.

El mitin de Vox ayeri en Xixón tuvo una bona asistencia, asemeyada a la de les movilizaciones que pue facer dalgunu de los grandes partíos. La presencia de Patxi López, Adriana Lastra y Adrián Barbón, nun mitin na Feria Muestres el día anterior, ensin Pedro Sánchez, movilizó a más de 700 persones.

El de VOX ye un electoráu movilizao pero non, nun enllenaron la plaza toros de Xixón, como dicíen ayeri en redes de VOX a nivel estatal: «No hemos llenado el aforo de la Plaza de Toros de Gijón… ¡LO HEMOS REVENTADO!», no que recuerda más al skecth del Dúo Sacapuntas de los años noventa, nel qu’empezaben con una plaza “Abarrotá” y a la fin había “22, 22, 22”.

Rellacionao