Esti vienres, nel Centru Integráu d’El Coto, la directora Beatriz Carretero estrena’l so documental «Hijas de Cynisca». Trátase d’una obra onde delles voces femenines del deporte, como Almudena Cid o Dori Ruano, cuenten la so hestoria de desigualdá na competición.

Hijas de Cynisca ye una película documental sobre la desigualdá de xéneru nel deporte, un reflexu de la sociedá na que vivimos. Nella da voz a muyeres que son referentes, que consiguieron grandes llogros na so carrera y que nos cuntarán la so hestoria. Van poner de manifiestu esta desigualdá, van proponer idees pa la so erradicación, y van cuntar cuántu s’avanzó y cuánto queda entá por consiguir, pa camudar una sociedá fondiada en valores que quedaron obsoletos. El deporte ye unu de los ámbitos onde más se discrimina a la muyer dende la infancia y onde menos conscientes somos d’ello.