Borja López yá ye nuevu xugador del Sporting

El defensa central, procedente del HNK Hajduk Split, entrénase yá a les ordes de José Alberto

0
94
Borja López yá ye nuevu xugador del Sporting
Borja López. / Real Sporting

El Sporting fíxose colos servicios de Borja López, que torna procedente del HNK Hajduk Split croata. Borja López Menéndez nació en Xixón el 2 de febreru de 1994. Xuega de defensa central. En llegando’l domingu pela tarde a Xixón y en pasando los preceptivos exames médicos, esta mesma mañana quedó integráu nel equipu roxiblancu. Va ser presentáu oficialmente mañana miércoles a les 12.30 hores en Mareo. Tres los sos entamos nel Xeitosa y Llano 2000, incorporóse a les categoríes inferiores del Sporting. Na temporada 2011-12, inda n’edá xuvenil, debutó nel Sporting B y en payares de 2012 facer en Copa del Rei col primer equipu. Foi internacional sub18, sub19 y sub20.