Carmona: «Yá tenía ganes de tornar a Mareo»

Asume qu'hai que mirar escontra la máxima categoría, pero "ensin obsesiones", con oxetivos curtios"

0
732
Carmona: "Yá tenía ganes de tornar a Mareo"
Carlos Carmona. / Juan Llavío (Real Sporting)

Carlos Carmona protagonizó la primer rueda de prensa de la pretemporada del Sporting. Fízolo como capitán del equipu, na so octava campaña como sportinguista. «Yá tenía ganes de tornar a Mareo», espunxo l’atacante mallorquín, tres unes vacaciones «nes que carguemos piles». «Agora lo que toca son cargar les bateríes con vistes a la que presume que va ser una esixente temporada», añadió.

Asume que «l’oxetivu pasa por devolver al equipu a la máxima categoría», pero argumenta la necesidá de nun cayer n’obsesiones, polo qu’entiende que «hai que marcase oxetivos curtios». Entrugáu por Javi Fuego, col que coincidió nel Recreativu, aseguró que «va ayudanos enforma», señaló. Diz que llega avaláu por una gran trayectoria».