César Castro, a pola mínima olímpica en Amsterdam

0
627

César Castro va intentar esta fin de selmana n’Holanda la mínima olímpica pa Tokyo 2020. El nadador olayista alcuéntrase n’Holanda al pie de el so entrenador y director técnicu del Club Natación Santa Olaya (CNSO), José Rivera, pa participar n’Amsterdam Swim Cup, primer competición de la temporada con auténticu arume olímpicu. Al pie de ellos viaxa tamién Pablo Cuervo, fisioterapeuta del equipu de natación del club, que foi convocáu pola RFEN para esta cita internacional.

Esta competición ye la primera na que los nadadores españoles pueden nadar perbaxo de les mínimes olímpiques establecíes pola federación a principios de temporada pa Tokiu 2020. César Castro va nadar representando al CNSO dempués de qu’anguaño decidiera treslladase a Xixón y preparar el retu olímpicu nel Santa Olaya, dalgo que pal club ye “un arguyu”. José Rivera considera que lo ta faciendo perbién. «Tengo la esperanza de que consiga esa mínima y represente al nuesu país y al Santa Olaya».