Cortada por avería la llínea de tren ente Xixón y Candas

0
101

La llínea d’anchu métricu ente Xixón y Cuideiru ta cortada ente la villa de Xovellanos y Candás. Según informa l’Alministrador d’Infraestructures Ferroviares (Adif), l’avería d’un tren caltien zarrada la vía. Renfe tien establecíu un plan alternativu de tresporte per carretera ente dambes estaciones.

El mal tiempu tamién ta afectando a la rede de l’antigua Feve n’otros puntos de la comunidá. El tramu ente Carancos ya L’Infiestu ta zarráu al tráficu por «condiciones meteorolóxiques adverses». Nun ye l’únicu tramu de la rede ferroviaria que ta sufriendo les consecuencies de la envernada de vientu y agua nesta xornada. Los trenes de llarga distancia nun circulen ente Uviéu y Llión. Los pasaxeros tan siendo treslladaos n’autobuses. Esta circunstancia tien llugar por una incidencia n’instalaciones entre La Pola de Gordón y Santa Lucía.