Damián Pérez firma col Sporting por dos temporaes

Xuega de llateral izquierdu y procede del San Lorenzo de Almagro

0
98
Damián Pérez firma col Sporting por dos temporaes
Damián Pérez. / Real Sporting

Damián Pérez (Lanús, Arxentina, 1988) ye la última incorporación del Sporting pa la nueva temporada. El llateral izquierdu, quien mide 1,68 y pesa 68 kilos, va ser presentáu en llunes en superando les pruebes médiques. El xugador ta acabante de firma contratu col conxuntu xixonés pa les dos próximes temporaes.

Espérese que llegue a Xixón esti domingu pela tarde. Nun va ser hasta’l llunes pela mañana cuando Damián Pérez va sometese a les pruebes médiques nes instalaciones del Sporting pa, darréu, ser presentáu oficialmente pol club. El llateral izquierdu arxentinu xugó nel Arsenal de Sarandi, Vélez Sarsfield, Club Tijuana (México), Colo-Colo (Chile) y Club Atlético San Lorenzo de Almagro.