Daniela Álvarez, bronce nel Mundial Sub 21 de voleibol sablera

La xixonesa suma un nuevu metal al so palmarés onde yá cunta con dellos ésitos en competiciones internacionales de categoríes inferiores

0
870

Daniela Álvarez y Belén Carro consiguieron la medaya de bronce nel Mundial Sub 21 de voleibol sablera. La pareya formada pola xixonesa y la madrilana cayó derrotada en semifinales énte les brasileñes Victoria y Vitoria, a lo postrero campeones del mundu.

Les españoles ganaron na final de consolación a les alemanes por un claru 2-0 (21-10/21-18). Carro y Álvarez amosaron la so determinación pa xubise al podiu. Superaron en tou momentu a les xermanes, con un gran primer set y aguantando los sos intentos d’allargar l’alcuentru. Les españoles llegaron al partíu pol bronce en cayendo en semifinales énte les brasileñes Victoria y Vitoria. Les carioques amosáronse bien cimeres nel choque (21-16/21-12) pa consiguir el pase a una final que vencieron nel desempate énte les ruses Bocharova y Voronina.

Con esti bronce, Álvarez suma un nuevu metal al so palmarés en onde yá cunta con dellos ésitos en competiciones internacionales de categoríes inferiores.