L’asturianu David Fernández, subcampeón d’Europa de Qazaq Kuresi

0
182

El llangreanu David Fernández proclamóse esti fin de selmana na ciudá polaca de Breslavia subcampeón d’Europa de Qazaq Kuresi. «Nun pudi traeme’l campeonatu. Perdí col representante lituanu nun combate que fui perdiendo tol tiempu por una sanción», llamentó’l deportista asturianu nuna publicación en Facebook. David Fernández esplicó que’l rival «dexome sin opciones en quedando 30 segundos al xugámela con una entrada».

Qazaq kuresi ye un tipo de llucha bien tradicional mui popular en Kazakstán. Ta incluyida na llista del patrimoniu cultural Inmaterial de la Organización de les Naciones Xuníes para la Educación, la Ciencia y la Cultura (UNESCO). El deporte consiste nuna llucha cuerpu a cuerpu, coles mires de poner los costazos del oponente nel suelu.