La Policía Local de Xixón detuvo a un home de 49 años por afrellar a otru na cabeza con una barra de fierru nel intre d’una engarradiella que dambos caltuvieron, presuntamente, arriendes d’una delda económica. Los fechos asocedieron ayeri martes, 31 de xineru, a les 18.15 hores nun portal de la cai Santa Rosalía. Tal qu’apuntó una persona testigu del socesu, el mancáu intentárase defender con un cuchiellu que-y foi interveníu nel centru de salú del Llano onde allegó a curase y onde foi alcontráu polos axentes, anque finalmente tuvo que ser treslladáu al Hospital de Cabueñes. Esti facilitó los datos del so agresor, que se diría del llugar de los fechos nun vehículu que les sos característiques fueron de la mesma facilitaes pola testigu. L’autor de les mancadures, S.B.L. de 49 años, foi finalmente deteníu na so casa.
