La Policía Local de Xixón detuvo ayeri a les 13.45 hores a J.M.V.F., de 58 años y vecín de Xixón, por un presuntu delitu contra la salú pública. Los fechos asocedieron na Avenida Gaspar García Llaviana, dempués de que’l deteníu, que diba conduciendo un turismu, reaccionara de manera sospechosa al decatase de la presencia d’una patrulla aparcada na cai Chile.
Los axentes intervinieron el vehículu y detectaron ciertu golor a mariguana, por tanto, dieron en cachear al varón, quien llevaba dos pequeñes carteres de cueru de distintu color nun bolsu de la chaqueta con cuatro papelinas de cocaína y cinco d’heroína, respectivamente. Amás, atoparon una mochila na zona del asientu del copilotu na qu’había una cartera con 65 euros y una caxa metálica zarrada. El varón manifestó nun tener la llave pero foi finalmente alcontrada na mesma mochila. Dientro de la mesma, atoparon delles bolses de supuesta mariguana y otra de posible h.axís, según 815 euros en billetes de distintu valor. Tamién se-y ocupó un teléfonu móvil.
L’home yá fuera deteníu’l pasáu 21 de xineru pol mesmu delitu con una cantidá similar d’estupefacientes y el doble de dineru fraccionáu.
