La Policía del Conceyu de Xixón detuvo esti domingu a un mozu de 21 años por un presuntu delitu de violencia de xéneru y atentáu a axente de l’autoridá. Los fechos asocedieron a les 08.00 hores nuna casa de la cai Echegaray nel que supuestamente se taba produciendo un fuerte discutiniu ente un home y una muyer. A la llegada de los axentes, la puerta de la vivienda taba abierta y podíen escuchase los berros d’una muyer que repitía delles vegaes la pallabra ‘Policía’.
Una patrulla reclama la presencia de les persones que s’atopaben na casa, momentu nel qu’apaez el deteníu, que respuende a les iniciales de S.F.C., visiblemente alteriáu y profiriendo insultos. La muyer asómase dende un cuartu énte la insistencia de los axentes y, al ser entrugada pol so estáu, el mozu vuélvese más agresivu ya inclusive llegó a afalar a la muyer pa que soltara a un perru de raza peligrosa escontra los policíes. Cuando intentó pesllar la puerta, emburrió fuertemente a unu d’ellos, por esti motivu, foi reducíu y deteníu emplegando la fuercia.
