Pablo Iglesias treslladó esta mañana’l pésame a la familia d’Arturo Fernández. «Abrazu a la familia y collacios. Descanse en paz», escribió. El llíder de Podemos confesó que conoció al actor xixonés nel rodaxe d’un capítulu de ‘La casa de los líos’. «Tuvi faciendo d’extra nuna serie (buscaben guaḥes col pelo llargo pa facer de comensales de figuración nun restorán vexetarianu). Foi amable y mui agradable con nós, que tábemos allí por 5.000 pesetes».
Pues aquí las pruebas del delito. Eres una grande @pepablanes Esto no lo tenía ni el comisario Villarejo. Incluso después de marcharse, Arturo Fernández nos ha vuelto a hacer sonreír. DEP pic.twitter.com/HXfi7ExPuE
— Pablo Iglesias (@Pablo_Iglesias_) 4 de julio de 2019
Arturo Fernández morrió esta nueche en Madrid a los 90 años d’edá. L’actor xixonés llevaba dellos díes hospitalizáu na clínica Ruber, motivu pol que se vio obligáu a suspender la so participación na obra ‘Alta Seducción’ nel teatru Amaya, onde compartía cartelu con Carmen del Valle. L’actor llevaba nel mundu de la interpretación dende 1951.
El Conceyu de Xixón decretó trés díes de llutu oficial na ciudá pol fallecimientu del actor y empresariu Arturo Fernández. Les banderes ondearán a mediu estil. Arturo Fernández nació en Xixón en 1929, foi unu de los actores teatrales más relevantes de la hestoria recién d’España, collechando grandes ésitos coles sos comedies, llenes d’humor y elegancia, tantu nel teatru como na televisión. Otorgóse-y el títulu de Fíu Predilectu de la Villa de Xixón, la distinción más importante del Conceyu, en sesión plenaria con fecha 14 d’ochobre de 1994.
