El campu de fútbol de los campos deportivos de la Universidá Llaboral yá pue ser utilizáu tres el so arreglu. Forma parte de les obres de reforma d’ese complexu deportivu de Cabueñes que contemplen otru campu de rugby y unu de ḥockey yerba y que van rematar el próximu 18 de marzu. El Conceyu va poner estes instalaciones a disposición de los usuarios antes de lo previsto.
Esto ye posible gracies a el cambéu del contratu suscritu’l 4 de xunu cola empresa que ta acometiendo la obra, Obres y Pavimentos Especiales S.A. Esi cambéu permitió recepcionar los trabayos parcialmente. Cumple, por tanto, cola llei de Contratos del Sector Públicu una y bones el campu de fútbol ta nun espaciu separáu ya independiente de los otros campos siendo l’arreglu, por tanto, susceptible de ser executada por fases.
