Los playoffs de la fase d’ascensu de la Tercera FEB del grupu A van xugase en Xixón mientres los díes 22, 23, 24 y 25 de mayu. Y nesa fase d’ascensu va tar l’equipu de la ciudá, el Círculo Gijón Noega Baloncesto.
D’esta manera, l’equipu dirixíu por Nacho Galán va xugase’l so ascensu na que ye la so casa, el Palaciu de los Deportes de La Guía – Adolfo Suárez. Una fase que va acoyer a 8 equipos estremaos en dos grupos de competición y na que los dos primeros clasificaos al términu de la fase de grupos van conquistar los dos primeres places d’ascensu a Segunda FEB. La tercera va ponese en xuegu na última xornada de competición onde los dos segundos de cada grupu van enfrentase por ella en duelu directu.
Dende’l club, dicen, quieren agradecer a la Federación Española de Baloncestu l’enfotu depositáu, y «vamos trabayar por que esta fase final seya un ésitu organizativu y deportivu». Una fase final na que van participar el propiu Círculo, Dm Group Mollet, Colegio El Pintar, Sercomosa Molina Basket, Cb Aridante, LBC Cocinas.com, Rigalli Alginet y el ganador del partíu ensin disputase entá: Huelva Comercio LRI21 escontra Jaen Paraíso Interior FS.
