El Círculu Xixón Baloncestu y Mamatayoe xúnense a Bosquia nel compromisu cola sostenibilidá, el mediu ambiente y l’aumentu de la superficie verde. Desenvolviendo’l so firme compromisu cola sostenibilidá, el Círculu xunto cola marca Mamatayoe va desenvolver esti proyectu p’ayudar a acabar cola deforestación y compensar emisiones de CO2 sofitando la llucha contra’l cambéu climáticu. Nesta aventura, xunen fuerces con Bosquia Nature pa recuperar zones degradaes creando’l so primer monte corporativu en Xixón, un monte que forma parte d’un proyectu qu’involucra a los abonaos del Círculo y a los clientes de Mamatayoe a formar parte d’esta acción.
Ha destacase la importancia de la reforestación como unu de los medios principales pa refacer zones que sufrieron daños al empar que se xeneren nueves fontes d’osíxenu. Quieren compensar asina les emisiones de carbonu, potenciando la recuperación d’especies y ecosistemes que se taben perdiendo por cuenta de la falta de vexetación con soluciones naturales qu’apurran resultaos de llarga duración.
Les especies son escoyíes según los estándares calidables de Bosquia, en base a un estudiu de silvicultura previu siendo autóctones y óptimas para la so crecedera ya integración nel ecosistema de la zona. L’acción va desenvolvese en terrenes pertenecientes al Conceyu de Xixón que, siguiendo la so palabra, sigue cola so firme decisión d’ameyorar los sos ecosistemes y la redolada.
