El Círculu Xixón desciende

El xixoneses nun consiguieron faer los deberes énte'l Mallorca y queden a la espera de dalguna vacante que-yos dexe siguir na categoría

0
721

Los nervios dente l’entamu del Teslacard Círculu Xixón provocaron munchos erros en defensa y nel ataque paecía que’l balón nun quería entrar. El conxuntu menorquín, a pesar de nun xugase nada, celebró con euforia cada anotación, remató’l primer periodu con una llixera ventaya del equipu visitante 15-23.

Nel segundu cuartu, el Círculu quería amenorgar cuanto antes les diferencies nel marcador pero eso causó más imprecisiones nel ataque y nun ameyoró l’aciertu a canasta causando qu’el Menorca dir al descansu con un 13 puntos de ventaya nel marcador. (31-44)

El Teslacard Círculo Xixón tenía dos cuartos pa intentar remontar el partíu y esperar a qu’unu de los sos rivales pincharen. El conxuntu xixonés salió con otru ritmu y Saúl Blanco demostrólo anotando dos triples siguíos que fixo non yá espertar al so equipu sinón a tolos aficionaos del Palaciu de Deportes. Paecía qu’una vegada más equipu y afición volvíen a sintonizarse. Pero’l Menorca nun se punxo nerviosu y llogró una merecida victoria. 72-80

A pesar de que’l Círculu tuvo nes sos manos la remontada nos dos últimos minutos del partíu, lo cierto ye que los sos rivales ganaron los sos alcuentros. En rueda de prensa Nachu Galán reconoció que “consuela saber que la victoria nun sirviera pa nada”. Tamién quixo dexar un mensaxe sobro’l futuru del club: “Dempués de ver cómo tuvo’l pabellón nun m’atrevería a baxar la persiana”.