El Conceyu de Xixón activó güei, llunes 13 de febreru, el nivel 1 Avisu del Protocolu d’actuación n’episodios de contaminación del aire na zona oeste de Xixón.
Esta midida entra en vigor énte los datos recoyíos poles estaciones de midida calidable del aire deriváu de les condiciones meteorolóxiques desfavorables pa la dispersión de partícules.
Trai xuna serie de midíes en materia de control calidá del aire mientres la so activación empobinaes a amenorgar les emisiones contaminantes y a protexer la salú pública.
Ente otres midíes, les empreses allugaes na zona qu’operen baxu xuna Autorización Ambiental Integrada (AAI) o una Autorización como Actividá Potencialmente Contaminadora de l’Atmósfera (APCA), como ye’l casu d’ARCELOR MITTAL, EDP o l’Autoridá Portuaria, tendrán d’adoptar midíes d’amenorgamientu d’emisiones, estremando los precuros nos procesos industriales susceptibles de xenerar emisiones difuses, realizando riego de viales nes instalaciones industriales y, nel casu de les zones portuaries, humectando permanentemente los atroxos de graneles, viales y demás focos d’emisión difusa, ente otres midíes.
Tamién se llinda la velocidá nes carreteres de la rede estatal y autonómico de la zona de los 120 km/h a los 90 km/h.
Coles mesmes, prohíbese la quema de restos vexetales en suelos non urbanos y va procedese al riego de carreteres y de viales tantu en zona urbana como industrial.
El protocolu va permanecer activu hasta que s’amenorguen los niveles de partícules contaminantes.
