El Conceyu de Xixón remató les obres de pavimentación del Camín de la Mangada, allugáu na parroquia de Cabueñes.
Actuóse sobro una superficie de 958 m2 y 208’70 metros de llargor, en concretu, nel tramu entendíu ente la carretera nacional 632 y el Camín del Estancu que presentaba un pavimentu de formigón bien irregular, deterioráu y con numberosos frayatos, según un pasu llateral escontra’l parque de la Mangada peligrosu pa la circulación.
Amás de la correspondiente pavimentación, realizáronse drenaxes d’agües superficiales y, pa regular el desnivel esistente, executóse una franxa de formigón en forma de canaleta.
El conceyal de Distritu Rural, Ramón Tuero, y el conceyal d’Empléu, Santos Melandru, visitaron la finalización d’estos trabayos, llevaos a cabu por una xefa d’equipu, cuatro oficiales de segunda y cuatro peonos ordinarios, personal procedente del Plan d’Empléu 2021/2022. Supunxo una inversión de 34.200 euros con un plazu d’execución de seis meses.
