Tamién se punxo en marcha’l correspondiente espediente sancionador pola tala de, cuatro exemplares.
El Conceyu de Xixón suspendió cautelarmente en xineru les obres ensin amparar pola correspondiente llicencia municipal de movimientu de tierres que se taben llevando a cabu na urbanización del Camín de los Maizales, col fin de protexer exemplares singulares.
Los servicios técnicos municipales inspeccionaron los trabayos y comprobaron que la promotora privada talara cuatro árboles, trés carbayos y una espinera, y arrincara otros exemplares de los llenderos y otres árees del ámbitu APU-UNIV-05.
El 25 de xineru, el Serviciu de Parques y Xardinos, emitió un informe nel qu’indicaba que la paralización de los trabayos yera una midida fayadiza para evitar la desapaición d’otros exemplares de carbayos añosos. A raigañu del mesmu, el 30 de xineru, a instancies municipales, dictóse resolvimientu para la citada suspensión cautelar y púnxose en marcha’l correspondiente espediente sancionador.
Nesi sentíu, el Conceyu yá treslladó a la empresa la esixencia de que los exemplares calténganse y s’integren na futura urbanización, que de la mesma va deber de cuntar colos informes favorables de los servicios técnicos municipales.
