El Conceyu de Xixón remató les obres de reparación del camín de Casa Claudio na parroquia de Puao. L’actuación incluyó la pavimentación de formigón de firme en 280 metros cuadraos de superficie. Tamién foi necesario instalar una rede de drenaxe d’agües superficiales y soterrañes de la qu’escarecía y que causó erosiones, baches y roderes. La vía, de 80 metros de llargor, presentaba un tramu inicial de tierra y una parte final asfaltada en mala traza.
La del camín de Casa Claudio ye la primer obra recibida que foi executada por personal del Plan d’Empléu 2020/2021. Nella participaron un xefe d’equipu, trés oficiales de segunda y cuatro peonos. El presupuestu de la execución material foi de 9099’33 euros y los trabayos duraron un mes.
