La fiesta de Les Piragües atrásase hasta l’añu que vien. El Comité d’Organización del Descensu Internacional del Seya (CODIS) anunció esti llunes que’l Descensu Internacional del Seya atayóse por cuenta de la crisis sanitaria de la COVID-19. La cita taba prevista pal viniente 8 d’agostu. Mientres les caberes selmanes, trabayóse na posibilidá de treslladar la fecha al 5 de setiembre. L’añu 2020 yera especial pa esta multitudinaria prueba deportiva al conmemorase’l 90 aniversariu del Descensu y los 75 años del Tren Fluvial.
Dende la so primer edición, en 1930, el Descensu Internacional del Seya namás dexó de celebrase ente 1936 y 1943. La Guerra Civil y la posguerra atayaron la celebración de la creación de Dionisio de la Huerta. La Fiesta les Piragües volvió en 1944 y dende entós celebrárase ininterrumpidamente cada añu hasta anguaño.
