El plan especial de tresporte a los llagos de Cuadonga va reactivase’l llunes coincidiendo col pasu a la nueva normalidá. Esti proyectu incorpora un nuevu protocolu pa la venta de billetes, que podrá realizase con antelación al traviés d’internet. Esta fórmula va garantizar plaza a los usuarios nel horariu escoyíu de dir y volver. Sicasí, tamién va existir flexibilidá pa realizar cambeos.
Los viaxeros qu’adquieran los sos billetes de forma presencial nun van tener garantizada plaza. La Dirección Xeneral de Movilidá y el Consorciu de Tresportes d’Asturies encamienten a los usuarios utilizar les canales de venta antemanada, col fin d’entamar la visita con mayor comodidá y seguridá.
El plan, que va caltener los horarios de corte de la carretera afitaos p’anguaño, va permanecer activu ente los díes 22 de xunu y 12 d’ochobre de manera ininterrumpida, amás de los sábados y domingos d’esi últimu mes; 1 y 2 de payares, y del 5 al 8 d’avientu. Les tarifes nun esperimenten variaciones, con 9 euros p’adultos y 3,50 pa neños de 4 a 12 años. Lo menores de 3 años viaxen gratuitamente. Per otra parte, el preciu pal parking caltiense en 2 euros al día. Amás, va siguise un estrictu protocolu de llimpieza y desinfección de los vehículos. En tou momentu va informar al usuariu sobre les obligaciones en materia sanitario, ente elles, l’usu de mázcara.
