El portal d’ociu y turismu asturianu VerAsturies.com va tener el so propiu espaciu na Feria Internacional de Muestres d’Asturies que va celebrase del 6 al 21 d’agostu nel Recintu Ferial Luis Adaro de Xixón. VerAsturies va ufrir a quien pasen pel espaciu, igual que faen a diariu nel so portal, una amuesa de dalgunos de los llugares, curiosidaes, negocios y productos de tol panorama asturianu nel Stand 24 del pabellón 3 del recintu.

 

El portal, que cunta yá con más de 52.000 siguidores nes sos redes, estrénase asina na Feria Muestres d’Asturies este año 2022. Nel puestu de VerAsturies van vese representaos dellos conceyos al traviés de dalgunos de los sos productos más destacables, como Conservas Costera (Xixón), La Tevergana (Teberga), Llagar Sidra JR (Xixón), Tierrina Vaqueira (Valdés), Migaya (Xixón), La Vega de San Julián (Bimenes), Sidrería Sporting (Xixón) y La Casona de Mestas (Cangues).

 

L’espaciu de VerAsturies.com cuntará tamién cola presencia el Conceyu de Castrillón, que va enseñar a quien s’avere dalgunos de los sos llugares más destacables y que nun puedes dexar de ver: como los sos numberoses sableres, la so apuesta pola cultura y el deporte siempres cercanos a la cai o la so buelga impresa na hestoria d’Asturies.

 

Amás d’esto, nel espaciu de VerAsturies vas poder mercar guapes y simpátiques muestres de merchandising que s’estrenen n’especial pa la ocasión: filoxes o taces con frases asturianes.Podrás facete tamién con exemplares de la revista de VerAsturies, Viaxast.

 

Nun dexes de visitanos nel stand 24 pabellón 3 na Feria Muestres, y descubri que n’Asturies hai abondo por ver.