Erasmus+ Mission Possible: Wellbeing llega a Xixón. Trátase d’un proyectu de collaboración estratéxica coordináu per Finlandia con Eslovenia, Holanda y España como socios. En total, participen 20 alumnos qu’investiguen, busquen soluciones innovadores y desenvuelven les ferramientes que permiten la so aplicación pa reforzar les sos competencies na promoción de la salú y el bienestar dende un puntu de vista profesional. Faise moviéndose a los distintos institutos participantes pa compartir esperiencies. Nesta ocasión aporten a la ciudá, onde van desenvolver el trabayu nel IES Nº1. Ellí van tratar problemes rellacionaos cola nutrición.
L’oxetivu d’esti proyectu ye’l desenvolvimientu d’habilidaes empresariales y d’aprendizaxe per parte del alumnáu y del profesoráu gracies a la puesta de mancomún de les actividaes y materiales preparaos en cada unu de los países socios. Coles mesmes, la promoción de la bona salú forma parte de la estratexa d’Europa 2020 yá que, según les estadístiques europees, el nivel educativu inflúi na evaluación del estáu de salú de les persones.
