El rector inaugura un ximnasiu nel edificiu de Marina Civil

El total de la inversión realizada superó los 800.000 euros

0
213
Ximnasiu del edificiu de Marina Civil del Campus de Xixón
El rector inauguró'l nuevu equipamientu deportivu. / Universidá d'Uviéu

El rector de la Universidá d’Uviéu, Santiago García Granda, inauguró esti martes un ximnasiu allugáu na Escuela Cimera de la Marina Civil. Esi equipamientu va permitir el desenvolvimientu de l’actividá deportiva nel Campus de Xixón. La instalación, con un costu de 125.000 euros, ta abierta gratuitamente pa estudiantes y personal que dispongan de la tarxeta universitaria. Inclúi máquines pa entrenamientu aeróbicu y de musculación. L’horariu d’apertura ye de 11 a 19 hores de llunes a vienres.

García Granda tamién visitó delles actuaciones importantes nel edificiu de la Escuela, nel que s’anovó la instalación eléctrica y la cubierta. El total de la inversión, incluyendo’l ximnasiu, superó los 800.000 euros. Coles mesmes, la visita incluyó la presentación d’un nuevu simulador de cargues líquides, con puestos para seis estudiantes coles mesmes, que-yos permitirá realizar práctiques como si s’atoparen nel control d’un buque, realizando les operaciones de carga y descarga. En concretu, dexa asemeyar cinco modelos de barcu: un petroleru, dos tipos de gaseros (unu de gases licuados de petróleu y otru de gas natural), un quimiqueru y unu de los llamaos «barcos de productos» (pal tresporte de refinaos como gasóils y gasolines).