El Sporting, pendiente de Javi Fuego

0
23
El Sporting, pendiente de Javi Fuego
Un momentu del entrenamientu d'esta mañana. / Juan Llavío (Real Sporting)

Dellos xugadores del Sporting tornaron con golpes y sobrecargues de Málaga. El que nesti momentu caltien más pendientes a los servicios médicos del club ye l’estáu del todíu derechu de Javi Fuego, aquexáu d’un esguince. El sierense fai trabayu rexenerativu, al igual que los que más minutos xugaron en La Rosaleda, magar se somete a un extra de tratamientu y fisioterapia.

El próximu partíu va ser el xueves n’El Molinón, a los siete de la tarde, cola visita del Almería. Pa esti alcuentru, José Alberto volverá tener a disposición a Unai Medina, que dexa atras los problemes musculares que-y fixeron ser baxa la pasada xornada. En xugando’l xueves, l’equipu roxiblancu apenes va tener tiempu más que pa pensar nel siguiente alcuentru, que va ser el domingu, a les dolce del mediudía en Fuenlabrada.