El sportinguismo llora la muerte de José Antonio Nieto

El primer equipu entama la xornada con un minutu de silenciu en recuerdu del colaborador del club fináu esti miércoles

0
627
El sportinguismo llora la muerte de José Antonio Nieto
La plantiya del Sporting guardó un minutu de silenciu al entamu del entrenamientu. / Chus Monteserín (Real Sporting)

La Escuela de Fútbol de Mareo amaneció esta mañana cola murnia noticia del fallecimientu de José Antonio Nieto. Collaboró col Sporting dende mediaos de los años setenta al traviés del so fútbol base, del que foi directivu. Anguaño caltenía una llarga y estrecha relación, que s’estendía a la so presencia institucional nos desplazamientos del Sporting B.

Cola bandera ondeando a mediu estil nes instalaciones sportinguistes, José Alberto quixo empezar l’entrenamientu mañaneru con un minutu de silenciu. L’homenaxe cuntó cola presencia de toos el xugadores, técnicos y auxiliares abrazaos en corru. Esta tarde volverá ser recordáu con motivu del partíu de pretemporada nel que’l Sporting va recibir al UP de Llangréu nel campu 1 a les 18.30 hores. L’alcuentru va ser televisáu por TPA.

Trátase del tercer partíu de pretemporada pa los roxiblancos. L’accesu para los abonaos de dambos clubes ye gratuitu cola presentación del nuevu carné, al igual que pa tolos menores de 16 años. Pal públicu polo xeneral la entrada cuesta 10 euros. Les localidaes van tar disponibles na mesma taquilla de Mareo dende hora y media antes del empiezu del alcuentru.