Los habituales de la rampina algamaron protagonismu en Cannes. El primer spot de la campaña de Visita Xixón, Xixonomía, recibió una mención especial na final de la 13º edición de los premios Cannes Corporate Media & TV Awards. La entrega de premios celebróse de forma telemática’l 19 d’ochobre caberu dende la ciudá balnearia francesa.
El spot sobro’l principiu primeru del Tratáu de Xixonomía ta coordináu por Etertia Marketing y Comunicación pa Visita Xixón, producíu por El Cohete Internacional y dirixíu por Asur Fuente.
Cadañu, los premios Cannes Corporate Media & TV premien a los meyores vídeos corporativos, spots pa promoción online, documentales y reportaxes nún de los centros más importantes de la industria del cine. Anguaño, el xuráu internacional evaluó alredor de 800 rexistros de más de 40 países. Los ganadores de la estaya na que compitió la Xixonomía fueron los trabayos presentaos por Madrid, Cascais y Valencia.
